حامد زيد

\r\n الشاعر:حامد زيد
\r\nعفا الله عن خطا غدر الخناجر والضلوع ابطال
\r\nباسامح واتركك تحت الظلام الحالك لحالك
\r\nدخيلك وفر دموعك ترى هدر الدموع اذلال
\r\nوترى مافيه احد يصبر مثل صبري iiبغربالك
\r\nانا عيب علي انقض كلامي والرجال iiافعال
\r\nواذا قلت اقطع حبالك تراني بقطع حبالك
\r\nعشان اكسب هدب عيني تجرعت العذاب iiاشكال
\r\nوليتك تراف بحالي علشان اراف بحالك
\r\nمسوي في حياتي شي مايذكر ولا ينقال
\r\nحتى العدو واهو العدو ما يعمل iiاعمالك
\r\nتمسيني على الهم وتصبحني على الغربال
\r\nتقلطني فناجيلك وتقصر عني دلالك
\r\nتحملت التعب لاجلك وانا حملي يهد iiجبال
\r\nرحلت من العذاب وما وقفت الا على جالك
\r\nعلامك كلما اجيك متواضع جيتني iiتختال
\r\nمعاك اليا متى باصبر وصبري معك يحلى لك
\r\nمثل ما اقبلت لعيونك لزوم تلدلي iiباقبال
\r\nومثل ما قد حشمتك حس واحشم قلبي iiاشوالك
\r\nانا محد بجابرني اساير معك iiهالمنوال
\r\nترى ماني تبيع لك ولاني اصغر عيالك
\r\nانا حبيت اعشقك نبض ومشاعر ما اعشقك تمثال
\r\nانا جيت اسكنك واحياك وابقى فيك وابقى لك
\r\nانا جيت اب ظمى عاشق تعب يطرد سراب اللال
\r\nانا جيت استفز رضاك من فرقاك والجا لك
\r\nانا ما همت بك عاقل انا كنت اعشقك iiبخبال
\r\nانا ما كنت احبك حي انا كنت اعشقك هالك
\r\nتخيل من كثر ما خفت تلقى للزعل مدخال
\r\nاخاف اخطي على طيفك وادوس برجلي iiظلالك
\r\nتبعتك والعرب تتبع رعود البارق الهمال
\r\nوانا شفت المطر يتبعك في حلك وترحالك
\r\nكأن الي خلق حسنك خلقني مع جسدك ظلال
\r\nوصرت اقرب جسد يمشي معك باقفاك واقبالك
\r\nابي قلبك يحس انه فقد بمحبته رجال
\r\nملكته من هدب عين وخسرت ارضاه iiباهمالك
\r\nصحيح ان الفراق اقسى ولكن الوصال iiمحال
\r\nوانا صعب على ارضي غرورك واضعف iiقبالك
\r\nبعد ما حققت عيني فبعدك للرقاد امال
\r\nاعود للسهر! ياخوي فال الله ولا iiفالك
\r\nببدل نظرتك فيني واجي لك كل يوم بحال
\r\nباكون اقرب من ثيابك عليك ولا اتهيالك
\r\nبالمك وانثرك واجمعك وارجع انثرك باهمال
\r\nباخونك وازعلك وارضيك وازعل منك وارضى لك
\r\nابرسم بالثرى وجهك وابدفن صورتك iiبرمال
\r\nابشكي للعرب فرقاك واضحك عند عذالك
\r\nابهديك الوصال فراق واهديك الفراق iiوصال
\r\nباسوي مثل ما اشوفك تسوي وافعل افعالك
\r\nعشان تعرف من فينا الزعول ومن وسيع البال
\r\nابيك تذوق فنجالي وانا باذوق iiفنجالك
\r\nنصيحه واحتفظ فيها قصر معك الزمن او طال
\r\nابي تسمع كلامي زين وتحطه على iiبالك
\r\nاذا حبك هبال اطفال لك عندي هبال iiاطفال
\r\nولا وابشر بعد بهبال حب ماهو iiبهبالك
\r\nواذا قصدك تهين اسمي عشان تشمت العذال
\r\nحشى لا انت ولا غيرك ولا عشره من اشكالك!!